Patriṃni | Patriṃni culturau dera Val d’Aran |
|
|
|
Er Airau de Patrimòni Culturau deth Conselh Generau d’Aran presente ua naua web.
En prumèr lòc, er objectiu ei dar a conéisher e difóner era grana riquesa e varietat d’elements d’interès istoric, artistic, etnologic e arqueologic que compausen eth Patrimòni Culturau dera Val d’Aran.
Un papèr plan subergessent laguens deth patrimòni culturau aranés ei eth representat pes glèises, majoritàriament bastides tamb es canons dera arquitectura romanica e gotica e qu’ath delà, acuelhen en sòn interior un excepcionaument ric e variat legat d’art sacre, de diuèrsi genres artistics -escultura, pintura, orfebreria e textils- e estils -romanic, gòtic, renaishentiste o barròc-
Aguest legat contén òbres de grana qualitat artistica coma ei eth cas deth Crist de Mijaran o deth de Salardú, Escunhau o Casarilh, emblematiques entara escultura romanica en husta; subergessents conjunts coma es d’Arties, Salardú, Unha o Bossòst o Vielha e tanben un bèth pilèr d’edificis e òbres plan mès modèstes que, a despiet d’aquerò, constituissen un document istoric de prumèra man, en tot perméter ath visitant de submergir-se en ambient, circomstàncies e credences des òmes que les heren possibles.
Fin finau, non podem desbrembar-mos des imponentes tors campanaus, que tamb es sòns punchents losats encara aué presidissen es pòbles aranesi.
Era Rota Romanica d’Aran permet gaudir dera visita guidada as 15 glèises mès subergessentes.
De manèra progressiva se pretén plaçar man artenhuda des usatgèrs es donades apertientes as Béns Culturaus d’Interès Nacionau (BCIN’s), Béns Culturaus d’Interès Locau (BCIL’s) e béns inventariadi (non catalogadi). Tanben se daràn a conéisher estudis monografics relacionadi (inventari de campanaus e campanes) e (inventari de mòles e ressècs).
Tota aguesta informacion s’adrece a un ventalh d’usuaris plan ampli entà satisfèr besonhs ben disparièrs: dera tramitacion d’ua licéncia o era redaccion d’un projècte d’òbres, era amiada a tèrme d’estudis o trabalhs d’art o istòria, enquiara preparacion d’un viatge toristic o simplament era actualitat d’actes, corsi o actuacions en patrimòni culturau dera Val d’Aran.
Entà hèr es tues aportacions, suggeriments o consultes podetz contactar tamb nosati en
Aguesta direccion de corrèu electronic ei protegida
contra es robòts de spam, a de besonh auer Javascript activat entà poder
veder-la
               
|