Planvoludi/des

Vos dongui era benvenguda entad aguesta plana web qu’a coma objectiu dar a conéisher eth nòste auviatge culturau a trauèrs des naues tecnologies.

Lengua e cultura son era clau entà compréner eth sens deth nòste autogovèrn. Andues expliquen era singularitat d’Aran en ensem d’Euròpa. Era Val d’Aran ei un país occitan, e açò vò díder basicament de cultura e lengua pròpiament occitanes, que se place laguens der entramat administratiu e institucionau des encastres catalan e espanhòl.

Era competéncia de Cultura, includís era conservacion e mantenement deth ric patrimòni, a on subergés eth der art romanic, mès tanben includís ahèrs era creacion culturau e es aspèctes relacionadi damb era difusion e dignificacion dera lengua.

D’aciu estant donc, vos emplaci a redescurbir e gaudir deth nòste auviatge culturau e lingüistic.