Planvoludi/des amics/gues:

D’aguesta plana web ençà vos volem hèr a arribar tota era informacion que hè referéncia ara cultura e lengua pròpria d’Aran, ath delà tanben de toti aqueri ahèrs relacionadi damb era creacion culturau que s’amien a tèrme en nòste país.

Eth potenciau culturau d’Aran ei plan important e resulte era nòsta mèrca identitària, e plan per açò era volentat deth Conselh Generau ei era de protegir-lo e potenciar-lo.

Deth Conselh Generau d’Aran estant, volem incentivar era creacion culturau, amparar as associacions privades, impulsar e facilitar er emplec dera lengua entà hèr-la era lengua de tota era societat e, en definitiva, volem qu’eth nòste modèl culturau sigue de toti e entà toti.

Plan per açò auem tanben de besonh dera vòsta implicacion e complicitat enes ahèrs culturaus, entà arténher qu’aguest modèl sigue eth qu’identifique ad aqueri que viuem e trabalham ena Val d’Aran.

Demoram donques qu’aguesta plana web sigue deth vòste interès e vos ajude a conéisher mès sus era cultura e era lengua deth nòste país.