ProjŔcte museografic e de seguretat deth Crist de Salard˙ Imprimir E-Mail

En 2008 Conselh Generau d’Aran, Ajuntament de Naut Aran, Bisbat d’Urgell e Fondacion Jesús Serra signèren un convèni entara redaccion e execucion deth projècte museografic e de seguretat deth Crist de Salardú per un impòrt de 75.000 èuros.

 

Er acòrd a per objectiu era mielhora des condicions expositives deth Crist de Salardú, ua òbra romanica, deth sègle XII artisticament plan subergessenta, formada pera crotz processionau e emparada en era, ua imatge de Crist cossent damb era tipologia deth Crist sofrent, atribusida ath talhèr deth Mèstre d’Erill. Andues pèces, talhades en husta, consèrven, ath delà, grana part dera policromia originau, Eth Crist de Salardú hig ath sòn naut valor artistic, eth hèt d’èster ua imatge emblematica, plan estimada ena Val d’Aran sus era quau existissen fòrça legendes. Aguesta imatge, des de temps immemoriaus s’a venerat ena absida centrau dera glèisa parroquiau de Sant Andrèu de Salardú.

 

Eth projècte tanben prevé méter en valor es magnifiques pintures renaishentistes des sègles XVI e inicis deth XVII que decòren es murs e vòutes e eth reishat deth sègle XVI que barre er espaci absidiau, en tot dotar-les d’ua illuminacion avienta e de mieis d’interpretacion. Finaument tanben se contemple era reorganizacion e dignificacion des autars.

 

Eth projècte museografic redactat pera empresa especializada cossent tamb es critèris der Airau de Patrimòni Culturau deth Conselh Generau, siguec posteriorament aprovat pera Comission d’Auviatge dera Val d’Aran, e ara seguida, en mes d’abriu comencèren es trabalhs d’adequacion der espaci absidiau.

 

En retirar era estructura de husta sus era quau enquia alavetz s’auie expausat eth Crist de Salardú se descurbic eth pavement de lòses dera absida qu’integraue tres des basaments der antic autar, tamb decoracions de bòles e cordons d’estil romanic e tanben dus des pilars entà sostier era taula der autar. Un d’aguesti pilars presentaue ua cavitat interiora laguens a on se i trapèc un paqueton de relíquies que contiege quauqui fragments de uassi.

 

 


Crist Salardú (anvèrs)

 

Un detalh dera policromia dera crotz
Un detalh dera policromia dera crotz

 

Basaments der antic autar romanic tamb decoracions de bòles e cordons
Basaments der antic autar romanic tamb decoracions de bòles e cordons