Reproduccion virtuau des pintures romaniques de Sta. Maria de Cap d’Aran Imprimir E-Mail

Frut dera collaboracion entre Conselh Generau d'Aran, Departament de Politica Territoriau e Òbres Publiques (PTOP), Entitat Menor Descentralizada de Tredòs e Bisbat d'Urgell en passat mes d’abriu s’a inagurat era reproduccion virtuau, mejançant projeccion luminica, des pintures romaniques deth sègle XII dera glèisa de Santa Maria de Cap d'Aran, malurosament espoliades e venudes a diuèrsi musèus e colleccions privades. Era projeccion permet visualizar en nauta resolucion e sus es murs lateraus deth temple era scèna dera Epifania qu’originàriament aucupaue era vòuta dera absida e ara exposada en The Cloisters deth Metropolitan Museum de Naua York, e es imatges de St. Pau e der Esperit Sant, qu’actuaument se sauven en ua colleccion privada.

 

En sòn lòc originau, era vòuta deth presbitèri se projècte eth Pantocrator, qu’actuaument se consèrve en Musèu Maricel de Sitges (Barcelona). Eth projècte, qu’a auut un còst de mès de 60.000€ permet non desbrembar-se der extraordinari conjunt pictoric d’estil romanic qu’auie emberit es murs dera glèisa e ajude a compréner mielhor era trancendéncia istorica e era importància artistica deth monument.

 

 


Cap d’Aran