Reabilitacion dera M˛la de Betren Imprimir E-Mail

En pròplèu seteme, eth Conselh Generau d’Aran iniciarà era execucion deth projècte de reabilitacion dera Mòla de Betren, ua vielha bastissa deth sègle XIX, destinada ara transformacion deth cereau en haria, en tot profitar era fòrça der arriu.

 

Era recuperacion der edifici permeterà observar eth foncionament deth mecanisme que des deth carcavan, plaçat ena pis inferior dera bastissa permetie era transmission d’aguesta fòrça enquiàs quate granes pèires de mòler plaçades en pis superior.

 

Enquia miejans de sègle XX lèu en toti es pòbles dera Val d’Aran i auie ua mòla harièra, era unenca indústria artesana que complementaue era pagesia. Totun, laguens dera tipologia, era Mòla de Betren represente er equipament de dimensions mès granes e er unenc que possedie quate pèires de mòler.

 

A trauès dera sua musealizacion se preten mostrar qu’eth debit der arriu a estat ath long des sègles era principau hònt d’energia dera Val d’Aran qu’a botjat ath delà des mòles, ressècs, batans e fabriques de lan, e que mès recentament, a generat ua importanta indústria idroelectrica.

 

 

 

Fòto Mòla Betren