Cataments arqueologics ena necropolis deth Haro de Gar˛s Imprimir E-Mail

Era EMD d’Arties e Garòs tamb eth supòrt deth Conselh Generau d’Aran a iniciat es cataments arqueologics ena necropolis deth Harò de Garòs. Es trablahs que supausen ua inversion de 14.000€ an er objectiu de dignificar e conéisher tamb major prigonditat aguesta necropolis, descurbida en 1993 pendent era ampliacion deth Camin deth Calvari de Garòs e objècte ja alavetz d’uns cataments d’urgéncia que permeteren era identificacion de 21 sepultures en diferents nivèus arqueologics que cronològicament abraçarien des dera Baisha Edat Antica (s. IV-VdC) a un moment indeterminat dera Nauta Edat Mieja. Ja alavetz se poguec comprovar qu’era necropòlis s’extenie per un airau plan ampli.

 

Era campanha d’enguan encara en cors d’execucion s’a centrat per en un airau mès ath nòrd en un airau de 3m x 10 m de longada a on an tornat a aparéisher ua seqüéncia estratigrafica de 2 m de prigonditat a on se superpausen ua grana quantitat d’enterraments en cista qu’an d’aportar ua plan valuosa informacion entath coneishement d’aguest oscur periode istoric.