Eth passat dimèrcles dus de junh s’autregèren es Prèmis Llanterna Digital 2010. Aguesti prèmis son ua iniciativa dera Coordinadora de Servicis Lingüistics de Lleida, damb integrants dera Secretaria de Politica Lingüistica e deth CNL de Lleida. Er Auditori dera UdL acuelhec a mès d’un centenat de persones qu’assitiren entar acte de liurament des prèmis, eth lèma des quaus “Com dos rius paral·lels” contribusie a celebrar eth centari deth neishement deth poèta Màrius Torres.

Sigueren presents en acte Víctor Torres –frair deth poèta- e Alex Gorina -coma president d’aunor deth Jurat qu’autrege es prèmis. Era Cap de Cultura e Politica Lingüística deth Conselh Generau d’Aran, Maria Vergés, qu’autregèc eth prèmi dera categoria de cuertmetratges de mens de 3 menutes ar IES la Bisbal d'Empordà, en la categoria de Centres d'educació primària i secundària, damb era òbra "Cançó a Mahalta", soslinhèc era importància d’aguesti prèmis que ajuden ath foment der usatge deth catalan e der occitan e ara promocion dera creacion audiovisuau en aguestes lengües.