Encastre competenciau
1)      Encastre competenciau
 
Lei 16/1990, sus Regim Especiau dera Val d’Aran

De manèra generica mencione eth déuer de conservacion, promocion e difusion dera cultura aranesa (arts. 2, 4), e mès concretament en art. 20.3.g), era cession per part dera Generalitat ath Conselh Generau d'Aran, dera competéncia en matèria de  proteccion, mantenement e administracion der auviatge istoric e artistic.
 
Pr’amor deth Decrèt 305/1992 se transferís era competéncia en matèria de restauracion e conservacion d’immòbles d’interès istoricoartistic.
 

Lei 9/1993 Patrimòni Culturau. Disp. Add. 2au

Corresponen ath Conselh Generau d’Aran, en encastre deth sòn territòri, es competéncies qu’ aguesta Lei assigne ara Administracion dera Generalitat, e que s’enumèren ara seguida:
 
a)  Era incoacion e instruccion d’ expedients entara declaracion de bens culturaus d’interès nacionau dera Val d’Aran  e entà deishar sense efècte ua declaracion  (arts. 8, 9 e 14).
 
d)  Era elaboracion d’informes preceptius e vinculants sus es instruments de planejament urbanistic a qué son obligadi es ajuntaments en cas de conjunts istorics, zònes arqueologiques, paleontologiques o d’interès etnologic, e entorns de proteccion de quinsevolh ben culturau d’interès culturau (art 33.2).
 
f) Era elaboracion d’informes d’avaloracion d’impacte ambientau ena tramitacion de projèctes d’òbres, installacions o activitats qu’afècten bens integrants deth patrimòni arqueologic  (art 46,3).